துளித் துளியாய்....

இது வரை நாம் பேசிய மணித்துளிகளை

மொத்தமாக அள்ளிக் கையில் தந்தாய்

நதி நீர் அள்ளிய கைகளாய்

பார்த்துக் கொண்டிருந்த போதே

துளித் துளியாய் சொட்டித் தீர்ந்தே போனது

தெரிந்தே தான் செய்திருப்பாய்

பதைக்கும் என் மனது என்று - ஆனால்

நீ அறிந்திருக்க நியாயம் இல்லை

ஒவ்வொரு துளியும் சொட்டிச் சேர்ந்த இடம்

பூமியில் நான் விதைத்த உன்

நினைவு விதைகளின் மேல் என்று....