நீயும்???... நானும்...

அனுமதி கேட்டு காதல் செய்தவனும் நீ

அனுமதியின்றி காயம் செய்தவனும் நீ

மிட்டாய் தொலைத்த குழந்தையாக

அழுது நிற்கிறேன்

உனை எதற்காகத் தொலைத்தேன்

என்பது புரியாமலேயே..

தீராத தனிமையின் மை கொண்டு

எழுதத் துவங்குகிறேன் உனக்கான

ஒரு கவிதையை...

எழுத்தின் சுவடுகளாக

உன்னால் கத்தரிக்கப் பட்ட

என் சிறகுகளே வந்து விழுகின்றன...

விசாரிப்புகள் ஏதும் அற்ற

உனது தீர்ப்பை கூறும் முன்னமே

நீ ஒடித்திருந்த

பேனா முட்களின் முனைகளில்

நொறுங்கிவிட்டிருந்தேன் நான்..