வாழ்க்கையின் மத்தியில்
முடிந்த பாதியாய் சில உறவுகள்...
சுடும் தென்றலாய்...
குளிரும் நெருப்பாய்...
மாற்றங்கள் நிறைந்த முரணாய்...
சில சமயம் ஈர்ப்பாய்...
சில சமயம் நிராகரிப்பாய்...
தற்செயலான தலையெழுத்தாய்...
வாழ்வின் இன்றியமையாததாய்...
ரசிக்கப் பட்டாலும்
மறைக்கப் படவேண்டிய
நிர்வாணம் போன்றதாய்...
வரையறுக்கப்படாத வரம்புகளின் மீறலாய்...
காயம் செய்யும் பூக்களாய்...
ஒவ்வொறு பகல் பொழுதையும்
இரவு நோக்கி இழுத்துச் செல்லும்
கண்களின் கனவுகளாய்...
ஏகாந்தத்தின் ஏக்கங்களாய்...
எதிர்பார்ப்புகளின் ஏமாற்றங்களாய்...
ஆதியும் அந்தமும் இல்லாத கடவுளாய்...
முதலும் முடிவும் தெரியாத காதலாய்...
வாழ்க்கை முழுதும்
நினைவுகளால் மட்டுமே
தொடரக் கூடியதாய்...
சில உறவுகள், விதி செய்யும் விசித்திரங்கள்....
No comments:
Post a Comment