என் வீடு....

என்னுடைய வீடு
சந்தோஷங்களால் ஆனது...

அன்பினால் அமைத்த வாசல்
பாசத்தினால் வேய்ந்த கூரை
நேசங்கள் நிரம்பிய ஜன்னல்கள்
காதல் முகிழ்த்த முற்றம்
சிரிப்புகள் பூக்கும் தோட்டம்
உறுத்தாத கட்டுபாடுகளாய் வேலிகள்..

தகர்த்து நுழைந்தன
விலையேற்றங்கள்..

ஒட்டுப் போட வந்ததன
இலவசங்கள்..

வருவாய் சுருங்கிய வாசல்
தேவைகள் சுருக்கிய ஜன்னல்கள்
பட்ஜெட் கட்டிய கூரை
கணக்கால் நிரம்பிய முற்றம்
சிக்கனம் பூக்கும் தோட்டம்
பணத் தட்டுப்பாடுகளே வேலிகள்..

இன்று என் வீடு

விலைவாசியால் ஆனது...